TEXTO E IMAXES DE XESÚS DO BREOGÁN
A casa foi
fundada polo escribán de número e veciño da cidade de Mondoñedo Don Francisco
José de Cora e Miranda, mediante escritura pública outorgada o 12 de marzo de
1803.
 |
| ESCOLA DA OBRA PÍA |
Foi dotada con
bens que o fundador posuía nas parroquias de Fazouro, Nois e Foz.
Dispuxo que nela
se ensinase aos nenos e nenas as primeiras letras, escribir, contar e a
doutrina cristiá.
Designou como
Patrón ao Bispo da diocese. O mestre tiña que ser Eclesiástico, e se non o hai,
que o Patrón elixa a quen lle guste, con tal que sexa de boa conduta.
Vinte anos máis
tarde, en 1823, construiríase un pequeno edificio para impartir as clases por
que así a vivenda do mestre ou mestra quedaría separada da escola.
No ano 2007, foi
restaurada na súa totalidade pola Dirección Xeral de Costas.
 |
| ESCOLA E OBRA PÍA |
O MUÍÑO DA
OBRA PÍA No lugar, aínda se conservan restos do que
foi O Muíño que co paso do tempo deixou de funcionar pola escaseza de auga que
baixaba do Rego.
Un pouco máis
arriba de muíño e neste mesmo rego, existía e existe, aínda que totalmente
reformado, un lavadoiro público de
roupa.
 |
| RESTOS DO MUÍÑO |
O POZO DO CREGO
Chámanlle O Pozo do
Crego por que hai moitos anos vivía un
cura na Obra Pía.
Nesta zona do
río Ouro existía ou existe un pozo do que se descoñece a súa profundidade.
Parece ser que
este pozo ten unha corrente de auga da cal é moi difícil saír.
Din que está xusto
no punto onde cae a auga do Rego que facía funcionar o muíño.
