TEXTO E IMAXES DE XESÚS DO BREOGÁN
A PRAIA DA PAMPILLSA VISTA DESDE LOUSADA
Entorno natural e de grande
valor etnográfico.
Ós seus pés, divísase a praia
da Pampillosa, e dende aquí hai unha impresionante panorámica desde onde se
divisa Foz.
Conta con fermosos cabozos,
algún deles de máis de 100 anos de antigüidade e unha capela moi sinxela de
planta rectangular.
 |
| CAPELA DA CONCEPCIÓN |
Desta capela cabe destacar unha
talla de San Ildefonso do século XVII, cunha inscrición onde di: “Mandó pintar
y dorar Juna de Vermuda”.
Ten na esquina da fachada
Leste, un curioso reloxo de sol.
 |
| RELOXO DE SOL DA CAPELA DA CONCEPCIÓN |
Neste barrio existe unha lenda
moi curiosa. Trátase dunha cova que parte dende Punta Ventoeira na praia da
Pampillosa a este lugar.
Dise que esta cova ten un
percorrido de máis de dous quilómetros.
No seu interior, segundo din,
existe unha praia e unha lagoa ou pozo de auga.
No remate da cova, que ó
parecer acaba debaixo da capela da Concepción, existe soterrada outra capela na
que aínda se conservan as imaxes, pero dita cova ninguén aínda a puido
explorar.
