TEXTO E IMAXES DE XESÚS DO BREOGÁN
 |
| IGREXA PARROQUIAL |
No ano 1095, Vima Menéndiz
doa ó mosteiro de S. Miguel da Coelleira a terceira parte das propiedades da
igrexa de San Xiao de Lovia, situada, segundo di no Inventario do Patrimonio
Artístico de España, en Fazouro. Desgraciadamente, desta igrexa xa non quedan
vestixios.
No ano 1499, Frei Pedro
Morno doa ó Convento de Santo Domingo de Viveiro, entre outras cousas “algunas heredades en Santiago de Fazoiro”.
 |
| IMAXE DE SANTIAGO APÓSTOLO, PATRÓN |
Será no ano 1750 cando se
edifique a nova igrexa, encima de outra anterior da que tan só se conserva a
porta principal, con arco de medio punto, batentes e casetóns, e a porta
situada no muro esquerdo, con arco de medio punto.
Esta nova igrexa consta
dunha nave, con cuberta de madeira a dúas augas,con sancristía e tellado a tres
augas, así como capela maior a catro augas.
No 1800 edifícase no muro
esquerdo da capela maior a Capela de San Campio.
A igrexa conta con retablo
maior de estilo rococó, do 1750, que acolle imaxes do século XVI como a de
Santiago peregrino, ou do XVII como unha escultura de Cristo ou a de San Roque;
as demais imaxes son do século XVIII ou posteriores. Unha que chama a atención
é a de San Andrés, policromada, que data do século XVI e que procede dunha
capela que existiu no monte e da que non quedan restos.
 |
| ALTAR MAIOR |
Nesta igrexa tamén podemos
encontrar unha cruz procesional de prata e o relicario de San Campio, ámbalas
dúas pezas de prata do século XVII.
 |
| IMAXE DE SAN CAMPIO, SEGUNDO PATRÓN |
